To be able to create ads, please choose and pay for the plan that suits you. You can also check the "User settings" section and change the payment method.
Дипломиран Физиотерапевт нуди физикална терапија во домашни услови при рехабилитација после мозочен удар. Услугата ја нудам на болни во Штип и околината.
Мозочниот удар настанува како резултат на пореметување на мозочната циркулација која доведува до недоволно обезбедување на кислород и хранливи материи со што се оштетуваат и изумираат нервните клетки во мозокот. Најчеста причина за мозочен удар е атеросклерозата, а како најчеста последица на мозочниот удар е смалена можност за движење на екстремитетите (леви или десни).
После доживеаниот мозочен удар и претстојот во болницата каде што докторите се бореле за животот на болниот, од најголем значај е болниот што порано да започне со рехабилитација на состојбата.
Рехабилитацијата на болниот е долготраен процес кој трае 24 часа дневно и 7 дена во неделата, а за која е потребна помош на физиотерапевт во почетниот период на истата.
Целта на кинезитерапијата (активни и пасивни вежби со екстремитетите) е подобрување и воспоставување на моторната контрола на движењата на екстремитетите и воспоставување на движења на екстремитетите неопходни во секојдневниот живот на болниот. Кинезитерапијата ја подобрува општата моторна функција, ги јакне неоштетените мускули и го подобрува кардиоваскуларниот и респираторниот систем потребни за побрза и трајна рехабилитација на болниот.
Изработувам план и изведувам едукација (обука) за понатамошна рехабилитација на болниот со помош на член на семејството и самостојно (инивидуални вежби на болниот) за опоравување после мозочниот удар.
Третманот го изведувам со масажа и кинезитерапија како и со најразновидни физиотерапевтски направи (топка, еластична трака, стап, силиконски топчиња и сл.) кои помагаат во што поскора рехабилитација по веќе испланирана програма во зависност од состојбата на болниот.
Услигите ги нудам за само 300 денари по еден час од третманот плус обезбедување на превоз.
Должината и бројот на третманите зависат од можностите на семесјтвото како и од направениот план за рехабилитација на болниот со помош на физиотерапевт, а после тоа рехабилитацијата продолжува самостојно или се изведува со помош на член на семејството.
Со порана рехабилитација на болниот му овозможувате да во што пократко време достигне состојба да самостојно си ги извршува секојдневните работи и обврски.
Our website uses Cookies. By clicking "I Agree"or by keeping the use of the website, you agree to use the cookies. If you don't agree, you can change your bowser's search settings.